المنتدى العسكري العربي
عزيزي الزائر / عزيزتي الزائرة

مرحبا بك في المنتدى العسكري العربي

يرجي التكرم بتسجيل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدى

سنتشرف بتسجيلك

شكرا

ادارة المنتدى



 
الرئيسيةس .و .جالقوانينبحـثالتسجيلدخول

شاطر | 
 

 حرب أكتوبر: الرجال وأنصاف الرجال (2) : محاضر اتصالات السادات وبومدين وتعليقي عليها

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة

mi-17

مشرف
مشرف









مُساهمةموضوع: رد: حرب أكتوبر: الرجال وأنصاف الرجال (2) : محاضر اتصالات السادات وبومدين وتعليقي عليها   السبت أكتوبر 03 2015, 21:37

اقتباس :
 وبعد الاتصال الأول يتم اتصال يوم 7 أكتوبر ليلا، وعشية وصول الأخ عبد الغني (وزير الداخلية) إلى القاهرة مبعوثا خاصا من الرئيس بو مدين، ويكون من بين عناصر الحديث :

النص الكامل للاتصال الهاتفي بين الرئيس الجزائري هواري بومدين مع الرئيس المصري انور السادات يوم 7 اكتوبر 

الرئيس بومدين: سيادة الرئيس
الرئيس السادات: أهلا أهلا مساء الخير يا أخ بومدين
الرئيس بومدين: كيف أحوالكم؟
الرئيس السادات: الحمد لله بخير
الرئيس بومدين: أخبار المعركة
الرئيس السادات: طيبة خالص
الرئيس بومدين: الحمد لله
الرئيس السادات: القنطرة سقطت النهاردة الجزء الشمالي سقط كله وكل حاجة ماشية كويس قوي
الرئيس بومدين: هادول بيتكلم على هجوم مضاد
الرئيس السادات: ده بيحضر عشان بكره حيعمل بكره ان شاء الله
الرئيس بومدين: وإحنا جاهزين
الرئيس السادات: قالوا لي
الرئيس بومدين: إحنا جاهزين على كل حال
الرئيس السادات: عظيم
الرئيس بومدين: انا بعثت لك في القاهرة
الرئيس السادات: نعم قالوا لي
الرئيس بومدين: طبعا الأولاد وصلوا عندك
الرئيس السادات: قالوا لي يوصلوا الليلة
الرئيس بومدين: أظن وصل هو الآن
الرئيس السادات: أيوه
الرئيس بومدين: والأشياء الاخرى اللي كنا اتكلمنا عليها فاحنا جاهزين على كل حال
الرئيس السادات: عظيم. عظيم
الرئيس بومدين: إذا كان القضية بتاع البترول تزويدكم بالقدر المناسب، يعني البترول وغيرها
الرئيس السادات: وهو كذلك
الرئيس بومدين: وعلى كل  حال الأخ اللي وصل عندك لما تشوفه ابقى قول له كل حاجة
الرئيس السادات: طيب، وهو كذلك
الرئيس بومدين: ماشين طبعا
الرئيس السادات: الحمد لله في السما
الرئيس بومدين: على كل حال احنا ثقتنا. ثقتنا في القاهرة
الرئيس السادات: (ضحك) انا عارف يا أخ بومدين. أنا عارف
الرئيس بومدين: أنا عارف
الرئيس السادات: لا خليك واثق الحمد لله كل حاجة عال
الرئيس بومدين: من ناحية سوريا مفيش اجراءات التحركات
الرئيس السادات: لسه. لسه شوية
الرئيس بومدين: لسه شوية
الرئيس السادات: الليلة دي سمعت أنّو امريكا طالبة عقد مجلس الأمن
الرئيس بومدين: نعم نعم
الرئيس السادات: آه
الرئيس بومدين: وأنا سمعت هذا. أبا ايبان بيقول انه مستعد لوقف اطلاق النار
الرئيس السادات: طبعا. في وكالات الأنباء الليلة. الضربة الجوية وضربة المدفعية اصابتهم بإصابات مش قادرين يتحملوها أبدا.
الرئيس بومدين: أيوه
الرئيس السادات: وعمليات نقل الدم وعمليات صعبة قوي وهم مش راضيين يذيعوا
الرئيس بومدين: نعم
الرئيس السادات: يعني الحمد لله ماشية كويس قوي
الرئيس بومدين: وأخونا الأسد كيف حاله؟
الرئيس السادات: الحمد لله طيب قوي النهارده المغرب أخذوا موقع اهم من موقع جبل الشيخ كمان
الرئيس بومدين: اللي هي في الغرب
الرئيس السادات: اللي هي في الغرب آه
الرئيس بومدين: يعني المراكز ماشين اليوم؟
الرئيس السادات: هم ركزوا لكن ماشين كويس قوي المغرب كانوا ممتازين
الرئيس بومدين: وقصفوا بطائراتهم. وكالات الانباء بتقول هاديك
الرئيس السادات: عندهم
الرئيس بومدين: نعم
الرئيس السادات: عندهم يعني هو ده البلاغ بتاعهم الحقيقة
الرئيس بومدين: نعم
الرئيس السادات: إنما يعني واضح لانه عنده دفاع جوي طيب
الرئيس بومدين: نعم. آه طبعا طبعا انا اخذت من وقتك كثير يا أخ الريس
الرئيس السادات: أبدا أبدا أنا سعيد قوي ومتشكر قوي يا أخ بومدين
الرئيس بومدين: موفقين وبكل الجهود
الرئيس السادات: الله يبارك فيك خالص
الرئيس بومدين: الله يعينكم ان شاء الله
الرئيس السادات: ألف شكر يا أخ بومدين
الرئيس بومدين: نراكم بخير
الرئيس السادات: الله يبارك فيك
الرئيس بومدين: تصبح على خير سيادة الرئيس
الرئيس السادات: تصبح على خير
الرئيس بومدين: أنا حتصل معاكم ان شاء الله بكره
الرئيس السادات: طيب يا أخ بومدين
الرئيس بومدين: تصبح على خير
الرئيس السادات: تصبح على خير


الرجوع الى أعلى الصفحة اذهب الى الأسفل

mi-17

مشرف
مشرف









مُساهمةموضوع: رد: حرب أكتوبر: الرجال وأنصاف الرجال (2) : محاضر اتصالات السادات وبومدين وتعليقي عليها   السبت أكتوبر 03 2015, 21:41

اقتباس :
ويتم اتصال هاتفي في اليوم التالي مع السادات، ويعلق هيكل على كثرة الاتصالات الهاتفية من الجزائر أن الرئيس بو مدين كان يريد أن يطمئن،

الرئيس بومدين: سيادة الرئيس
الرئيس السادات: أيوه اهلا اهلا
الرئيس بومدين: مساء الخير
الرئيس السادات: يا مساء الخير يا أهلا يا أخ بومدين
الرئيس بومدين: كيف حالك
الرئيس السادات: الحمد لله
الرئيس بومدين: إحنا سمعنا ان العلم المصري موجود في المدينة بتاعة القنطرة
الرئيس السادات: آه خلاص والمحافظة هاتروح كمان
الرئيس بومدين: يا أخ الرئيس انا باتكلم معاك علشان نستخبر
الرئيس السادات: أيوه
الرئيس بومدين: ايه اخبارك؟  
الرئيس السادات: الحمد لله كل خير
الرئيس بومدين: اليوم كان سخن أظن
الرئيس السادات: آه والله النهاردة كان لواءين مدرعين، انما الحمد لله ضربناهم واخذنا القنطرة، وبعدين كمان حرمتهم من البترول بتاعنا بتاع سيناء. حرقت البترول بتاعنا بتاع سيناء اللي عندهم يعني وجعتهم النهارده قوي. البترول بتاع سيناء اللي كانوا بياخدوه حرقته.
الرئيس بومدين: وايه الكلام بتاع رئيس اركان الحرب الصهيوني بيقول ان إحنا عملنا هجوم كبير اليوم على الجبهة الغربية
الرئيس السادات: ده كلامهم عنا وأنهم كسروا الجسور كلها، عاملين زي احمد سعيد (كان مذيعا في «صوت العرب» واشتهر بالمبالغة) زمان
الرئيس بومدين: أيوه
الرئيس السادات: (ضحك) الخسائر عندهم من اول يوم يا أخ بومدين خسائر كبيرة جدا وهم اللي دفعوا امريكا علشان عقد مجلس الأمن. ولكن لازم يعملوا حرب الدعاية دي. هم بيحاربوا بالدعاية لكن احنا بنحارب فعلا على الأرض.
الرئيس بومدين: انتم اخذتم جماعة منهم اليوم
الرئيس السادات: نعم
الرئيس بومدين: انتم ما أخذتم أسرى اليوم
الرئيس السادات: لا أخذنا اليوم. المجموع كله بلغ لغاية النهارده 120 لكن القتلى كتير قوي
الرئيس بومدين: وأخذتم دبابات كمان
الرئيس السادات: وأخذنا دبابات AMX وسنتيريون
الرئيس بومدين: نعم بس علشان نطمئن
الرئيس السادات: لا اطمئن ما فيش حاجة ابدا وكل خير وها ابعت لك ان شاء الله من الدبابات دي
الرئيس بومدين: (ضحك)
الرئيس السادات: (ضحك) ها أبعت لك هدية للجيش الجزائري علشان يحطوه عندهم
الرئيس بومدين: كتر خيرك
الرئيس السادات: (ضحك)
الرئيس بومدين: والله أنتم رفعتولنا رأسنا
الرئيس السادات: الله يحفظك
الرئيس بومدين: كيف إخواننا في سوريا؟
الرئيس السادات: والله انا قاعد بأتتبع الموقف يا أخ بومدين ومستني تقرير يجيني
الرئيس بومدين: نعم
الرئيس السادات: مستني تقرير يجيني، لكن هم كانوا مركزين عليهم من الصبح، مركزين جدا
الرئيس بومدين: لكن الظاهر انهم اسقطوا عددا لا بأس به من الطائرات
الرئيس السادات: الحقيقة أسقطوا عدد كويس جدا
الرئيس بومدين: نعم
الرئيس السادات: الحقيقة
الرئيس بومدين: واليهود بيقولوا انهم استرجعوا الخطوط الاولى
الرئيس السادات: بتاعة الجولان
الرئيس بومدين: آه
الرئيس السادات: أنا بعت، لكن زي ما قلت لك هم بيعملوا حرب في الراديو زي زمان، لكن انا بعت استوثق من الكلام ده يعني مش سهل.
الرئيس بومدين: وأنتم أخذتم الضفة الشرقية كاملة
الرئيس السادات: الآن خلاص. دا أنا حتى ها أدي امر علشان نبدأ تطهير القناة
الرئيس بومدين: (ضحك)
الرئيس السادات: (ضحك)
الرئيس بومدين: ندي الخبر هذا للاذاعة الخارجية
الرئيس السادات: اعطيه والله صحيح انا حا ادي امر علشان يبدأوا التطهير
الرئيس بومدين: والله انا مسرور جدا يا أخ أنور
الرئيس السادات: الحمد لله ما هم كانوا عايزين نستأذن اسرائيل في فتح القناة
الرئيس بومدين: نعم
الرئيس السادات: لا بقى
الرئيس بومدين: نعم. هم الآن يقنبلوا في بورسعيد أظن
الرئيس السادات: ضربوا بورسعيد اليوم لكن بقى انا بعت لمجلس الامن علشان ده ضرب مدن
الرئيس بومدين: نعم
الرئيس السادات: لكن انا اطمنت، الحالة قبل ما تكلمني بخمس دقائق كل حاجة ماشية كويس
الرئيس بومدين: طيب الحمد لله يا أخ الريس
الرئيس السادات: تصبح على خير
الرئيس بومدين: تصبح  على خير
الرئيس السادات: في أمان الله
الرجوع الى أعلى الصفحة اذهب الى الأسفل
 

حرب أكتوبر: الرجال وأنصاف الرجال (2) : محاضر اتصالات السادات وبومدين وتعليقي عليها

استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
المنتدى العسكري العربي :: الأقســـام العسكريـــة :: التاريخ العسكري - Military History :: الشرق الأوسط :: حرب أكتوبر 1973-